Navigation:

Suche

Suche

Ahn mi´n Anwalt segg ick nix

22.09.2010

 Afsünnerlik geiht dat to up düsse Welt.
De Zeitung segg, dat Radio mellt:
Di´n Meenen tell´t nich mehr!
Een Anwalt mutt dar her!

In Amerika is dat modern.
Een Pyschologen mag man geern
un een Anwalt, de noch leeger,
de Lü dar, hebbt em noch leever!
Ok hier, magst bold nich  hör´n,
gegen Unrecht kannst di nich wehr´n!
Een van de Kanzlei ward dat woll maken
un di dat Geld ut de Taschen raken!

In de School, de Mester fragt an Karl:
Woveel is denn twee un veer is mal?
Karl överlegg un antert fix:
Ahn mi´n Anwalt segg ick nix!

Karlchen is verküllt un geiht na´n Doc.
De ünnersöcht un fragt denn drock:
Wo kell´t di´t denn, wat deit di plagen?
Ick mutt eerst mi´n Anwalt fragen!

Schorsch is mit´n Auto ünnerwegs un denkt,
ick kööp noch gau wat in, wat smeckt.
Een dicke Eek springt em vör dat Auto vör!
Ahn Anwalt segg ick nix to dütt Mallör!

Susi steiht mit Hemmann vör´n Altar
un de Pastor fragt so wunnerbar:
Wullt du den Hemmann denn woll hebben?
Susi meent: Mi´n Anwalt kann noch retten!

Bi den mojen Gang dör Busch un Feld,
Hemmann siene groten Föte kellt.
He hett up´n Weg so recht nich seh´n,
den grooten, grauen Steen!

De Buur, de kummt un kick dat an.
Hemmann prahlt: Buur, nu büst du dran!
De Buur, de schüttkoppt fix:
Ahn mi´n Anwalt segg ick nix!

S´abends, in Fernseh´n löpp de Krimi.
Ehr´n Keerl dotsteeken hett de Mimi!
De Inspekter fragt na´t Alibi denn glatt!
Mimi meent: Ahn Anwalt segg ick nie nich wat!

So is dat vundage in us Leven:
In Fernseh´n, Radio, bi dat Lesen:
Di´n Recht ward hendreiht, as dat passt:
„Wie gut, dass du ´nen Anwalt hast!

Bernd Müller
Karkhatten